ភ្នំពេញ៖ រដ្ឋសភាជាតិកម្ពុជាបានចាប់ផ្ដើមបើកសម័យប្រជុំពេញអង្គជាលើកដំបូងសម្រាប់នីតិកាលទី៧ ឆ្នាំ២០២៣ នៅព្រឹកថ្ងៃទី២១ ខែសីហា ឆ្នាំ២០២៣នេះ។

សមាជិកសភាទាំង ១២៥រូបបានមកដល់រដ្ឋសភានៅព្រឹកម៉ោង៨ ដោយបានថតរូបជាអនុស្សាវរីយ៍នៅមុខវិមានរដ្ឋសភាផងដែរ។

ពិធីនេះត្រូវបានព្រះមហាក្សត្រកម្ពុជាព្រះបាទ បរមនាថ នរោត្តម សីហមុនី យាងបើកជាផ្លូវការ និងមានការដឹងឮពីឯកអគ្គរដ្ឋទូតនិងរាជទូតនៃបណ្ដាប្រទេសជាមិត្តនានាផងដែរ។

គួរឲ្យដឹងផងដែរថាតាមរយៈលទ្ធផលឆ្នោតផ្លូវការនៃការបោះឆ្នោតជ្រើសតាំងតំណាងរាស្ត្រអាណត្តិទី៧ កាលពីថ្ងៃទី២៣ ខែកក្កដា ឆ្នាំ២០២៣ បានបង្ហាញថាគណបក្សប្រជាជនកម្ពុជាគ្រប់គ្រងអាសនៈបាន១២០ លើ ១២៥អាសនៈនៅក្នុងសភាជាតិ។

គណបក្សមួយទៀតដែលគ្រប់គ្រងអាសនៈនៅសភាគឺគណបក្សហ៊្វុនស៊ិនប៉ិចដែលកាន់កាប់បាន ៥អាសនៈ។

ទាំងគណបក្សប្រជាជន និងគណបក្សហ៊្វុនស៊ិនប៉ិច បានប្រកាសទទួលស្គាល់លទ្ធផលនេះឥតតវ៉ា។

លោកកិត្តិទេសាភិបាលបណ្ឌិត ហ៊ុន ម៉ាណែត ត្រូវបានព្រះមហាក្សត្រចាត់តាំងជានាយករដ្ឋមន្ត្រីដើម្បីរៀបចំគណៈរដ្ឋមន្ត្រីអាណត្តិទី៧ នៃសភាជាតិនេះ៕